Карбокситерапия

Карбокситерапия – бул көмүр кычкыл газын (СО2) жана көмүртек кос кычкылын колдонуу менен инновациялык дарылоочу-жашартуучу методика.

Процедура кан жана лимфа айлануусун жакшыртууга, метаболизмди тездетүүгө, май топтолмолору менен күрөшүүгө жана клеткалардын регенерациясын стимулдоого багытталган.

Коллагендин жаңы булаларынын өндүрүлүшүнүн активдешүүсүнүн аркасында тери ийкемдүү жана тартылган болот. Методика коопсуздугу, калыбына келтирүү мезгилинин жоктугу жана натыйжалуулугу менен популярдуулукка ээ болду.

Түрлөрү

Косметологияда карбокситерапиянын эки түрү бөлүнөт: инъекциялык жана инвазивдүү эмес (инъекциясыз).

Инъекциялык – саламаттыкты чыңдоо максатында кычкылтек кос кычкылын тери астына киргизүүнү билдирет. Тамырлар ийкемдүүлүгүн жоготуп, морт болуп баштаганда, алар кычкылтекти жана тоюндуруучу заттарды клеткаларга жайыраак жеткирет, мунун кесепетинен организм «кычкылтек ачтыгын» сезет. Көмүр кычкыл газын тери астына дозалап киргизүүдө ачтык күчөйт жана организмде кан айлануу, лимфа агымы, зат алмашуу ж.б. активдешет. Көмүр кычкыл газ сайылган жерде болжол менен 30 мүнөт таасир этет, андан кийин бөйрөктөр жана өпкөлөр аркылуу чыгарылат. Ал эми тамырлар менен клеткалар активдүү режимде ишин улантат – кычкылтекти жеткирет, коллаген өндүрөт, май клеткаларын ыдыратат, шлактар менен токсиндердин чыгарылышына көмөктөшөт.

Инъекциясыз карбокситерапия ошол эле эффектти берет, бирок башка ыкма менен. Бул методика ткандарга пайдалуу заттарды оорутпай жана жаракатсыз жеткирүүгө мүмкүндүк берет. Пациент кийүүчү СО2 маска жана гель-активатордун жардамы менен көмүр кычкыл газ бөлүнөт. Маска газдын учуп кетишине жол бербеген жана эпидермис менен дермага тери каптоосу аркылуу кирүүгө мүмкүндүк берүүчү тоскоолук түзөт.

Карбокситерапиянын артыкчылыктары

• Токсиндерди камтыбайт, гипоаллергендүү;
• Дарылоо клиникалык сыноолор менен тастыкталган;
• Коопсуз;
• Коллаген менен эластиндин пайда болушун тездетет;
• Теринин бардык түрлөрүндө жана аймактарында колдонулат;
• Калыбына келтирүү мезгили жок.

Карбокситерапияга көрсөтмөлөр

• Көздүн астындагы тегеректер жана «баштыктар»;
• Стрийлер;
• Теринин салаңдашы;
• Целлюлит;
• Тамыр жылдызчалары;
• Жогорулаган шишик;
• Локалдык май топтолмолору;
• Постакне;
• Майда бырыштар;
• Сезгенүүчү оорулар;
• Баштагы чачтын түшүшү;
• Операциядан кийин калыбына келтирүү.

Карбокситерапияга каршы көрсөтмөлөр

• Кош бойлуулук жана бала эмизүү мезгили;
• Жогорулаган артериалдык кан басым;
• Жугуштуу оорулар;
• Курч сезгенүүчү процесстер;
• Тромбофлебит;
• Алардын ишин бузуучу боор жана бөйрөк патологиялары;
• Курч жүрөк жетишсиздиги;
• Эпилепсиялык талмалар.